mobile ki battery life badhane wala setting

 How to fix battery drain and data usage problem in hindi with full detail

mobile ki battery life badhane wala setting

Introduction

     Doston agar aap bhi smartphone ka istemaal karte hain aur aap bhi apne mobile ke battery se pareshan hain. Aur uske Saath kya aapka data bhi jaldi khatam ho jaata hai aur aapko pata bhi nahi chalta.

     To aise mein aapko samajh mein nahi aata ki apne battery aur data ko kaise bachayein. To main aaj aapko bataunga ki aap kaise Iss problem ko thik kar sakte hain. 

     To hello doston mera Naam hai Pradeep aur swagat hai aapka mere Iss blog mein. 

Setting-1

Restrict background data

     Doston Yeh sabse bada setting hai kisi bhi android mobile mein. Aap isse apne battery ke Saath Saath apna data bhi bacha sakte hain. Agar aap apne mobile ke battery aur uske Saath Saath apne data ko bhi save karna chahate hain to aap ko background data ko restrict kar dena hai. 

     Aapne kayi baar dekha hoga Internet mein ya Phir play store mein bahut Saare  aise applications milte hain jo background data ko restrict kar dete hain. Aur Yeh hota bhi hai. 

     Lekin kaise lagega aapko agar main aapse kahoon ki aap Yeh kaam bina kisi application ke bhi kar sakte hain to. 

How to restrict background data

     To sabse pehle background data ko restrict karne ke liye aapko inn 3 steps ko follow karna hai :

Step-1

Sabse Pehle aapko apne mobile ke settings par click karna hai. 

Step-2

Uske Baad aapko data usage par click karna hai. 

Step-3

Uske Baad background data par click karein. 

(Jaise hi aap is par click karenge to aapko apne phone ke Saare apps list mein show ho jayenge. Aur wahan se jis kisi app ko chahein usko restrict kar sakte hain. Isse aap ka data bhi bachega aur battery bhi.) 

Setting-2

Turn off auto update apps

     Doston aise kayi apps hote hain jo ki aapko bina pata chale update lete rehte hain aur aapka data aur charge jaldi khatam ho jaate hain. 

     To isse bachne ke liye aapko apne Google play store mein jaakar auto update apps ko off karna hoga. To iss setting ko karne ke liye inn steps ko follow karein :

Step-1

Apna play store open karein. 

Step-2

3 bars par click karein. 

Yeh left side mein top par hoga. 

Step-3

Uske Baad aapko settings par click karna hai. 

Step-4

Ispar Jaane ke Baad aapko auto-update apps ka option milega wahan par aapko click karna hai. 

Step-5

Aur yahan par aapko Do not auto update apps par click kar dena hai. 

     Yeh sab settings karne ke Baad aapke apps automatically update hona band ho jayenge. Aur aapka data aur battery bach jayenge. 

Setting-3

Turn off location

     To doston agar aap maps, location ya Navigation ka zyada istemaal nahi karte to aap apne location ko off kar sakte hain. Aise case mein bahut Saare aise apps hote hain jo aapka location use karte hain. Isse aapka data aur battery dono jaldi khatam ho jaate hain. 

How to turn off Phone location

     Bahut Saare phones mein Yeh option notification panel mein hi hota hai. Lekin kuch phone aise bhi hote hain jin mein Yeh notification panel mein dekhne ko nahi milta. To uske liye aapko inn steps ko follow karna hai. 

Step-1

Phone ke setting ko open karein. 

Step-2 

Phir Location ya GPS par click karein. 

(Kuch phone mein Location likha aata hai aur kuch phones mein GPS ya aur bhi kuch.) 

Step-3

Aur yahan se directly Off button par click karein.

Aapka location off ho jayega. Aur aapka data aur battery dono bach jayenge. 

Setting-4

     Yeh bhi ek bahut hi important setting hai. Aur Yeh bhi ek tarah ka restriction hi hai. Simply Ismein aapko apne apps ko background mein band karna hai. Setting 1mein to restrict karna padta tha lekin yahan par Force stop karna hai. 

How to force stop apps

     To Iss setting ko karne ke liye simply aapko inn steps ko follow karna hai :

Step-1

Sabze Pehle settings ko open karein. 

Step-2

Application manager ya application settings par click karein. 

Step-3

Kisi bhi app ko open karein. 

(Ismein aapko apne Saare apps show ho jayenge aur aapko ek ek karke unn sabko band karna hai. Setting 1 mein to aap ek Saath sabko restrict kar sakte the. Lekin yahan par aapko ek ek karke sabko band yani force stop karna hoga.) 

Step-4

Open karte hi force stop par click karein. 

     Isse Saare apps background mein aap background mein band kar sakte hain. Aur apne data aur battery bacha sakte hain

Conclusion

     To doston yahan par maine aapko bataya hai ki aap kuch settings ki madad se kaise apne data aur battery ko save kar sakte hain. I hope aapko Yeh pasand aaya hoga. Agar pasand aaya to jaroor mere site par visit karein aur bhi aise intresting topics ke liye dhannyabaad.